10.1渔人码头美食节

　　筹备多时, 好易记终於可以正式试业,

　　晌10月1日~10月11日黄金周期间, 晌渔人码头美食节摆档~!

　　但同原先打算开铺时的概念有d唔同, 因为唔系事前谂的渌鱼旦或炸鱼旦,

　　而系正统炭烧猪扒包、烧鸡翼、烧鸡脾等~~

　　因为国庆+美食节, 我地预期会有好多人黎食野, 谂住一定大排长龙啦,

　　点知事与愿违, 唔知系咪主办单位宣传不足的原因, 人流稀疏, 旅客极少,

　　最搞笑系, 主办单位报名时同我地讲只得我地一家做烧烤, 谂住独市经营一定无死啦.....

　　点知去到先知原来个系烧烤集中营, 有蒙古烧羊肉...北方烧鱿鱼.....成条食街都系"烧烤"罗....

　　而且主办单位亦无安排清洁的地方, 搞到我地唯有攞d野去公众洗手间洗罗..........

　　因为第一次做, 无咩经验, 头四日真系做到好Q累, 累到有d想放弃,

　　而且付出同收入唔成正比, 但睇返转头, 原来哩几日已经系做得最多生意,

　　加上出左单负面新闻, 4号过后简直系少人到无朋友,生意一落千丈,

　　虽然系咁, 但我地都总数系有盈利, 做耐左亦已经唔觉累, 又得到好多做生意的实战经验,

　　而且大家都好ENJOY个过程, 当中亦有好多搞笑野,

　　如差d搞到火烛...奇迹鱿鱼须....神奇烧鸡脾........的确系一次难得的经验,

　　所以相信下期都会继续做落去, 为开铺做准备.